|
|
Bira nigra
fömegada, spessiada co la sàlvia. Tipo Bamberg, a bàsa
fermentassiù. Culùr nìgher co di riflèss róss rübì, grado
alcolèch 5%, otegnìda da malcc todesch. Ol saùr in prensépe
apéna apéna "löertisàt" l'làga 'l pòst a ü göst
adóma 'mpó fömegat, propórsiunàt
da la sàlvia de prodüssiù biologica da i qualità rinforsàncc e
digestie. Ecelènte da mèt insèma a saùr fórcc (cóme grigliade
de carne e formài stagiunàcc); da meditassiù se biìda la sira
tàrde o 'n di frège giurnade d'invèren.
|
|
"Via Mercatorum" l'è 'l
nóm dovràt zamò 'n del medioevo per ciamà öna serie de vìe
ch'i ünìa la Àl Seriana co la Àl Brembana, dò bèle ài bergamàsche.
Ü docümènt del 1392 d.C. l'nömina la "via
merchadenti", la vìa di mercàncc per tat tép dovràda per
trafegà ('nfina al sò lènt declì caüsàt da la coströssiù de
la
"strada Priula" fàcia di venessià 'n del XVI sècol).
Incö a l's'pöl amò 'ndà a pè per di tochèi de chèsta vìa
ché. A l'ghè ü progèt per recüperala e fàla dovrà amò ai
türisti ch'i öl scuvrì i pòscc, la cültüra, i tradissiù e i
saùr de Bèrghem e de la sò pruìnsa.
La nòsta bira, cóme 'l nóm de chèsta vìa antìca, la dèsda di
saùr ch'i se pèrt 'n di tèp passàcc.
|
|
Bira rósa
dópe malt col mèl de rösì. Bira a bàsa fermentassiù de
culùr róss scür, otegnìda da infüsiù de malcc inglèss e
löertìss todesch. Grado alcolèch 7%. Bira de fórt caràter e dal
saùr frötàt, fàcia amò piö corpùsa dal mèl de rösì
bergamàsch
de prodüssiù biologica. La se mèt insèma a saùr salàcc e spessiàcc.
Da meditassiù o per completà i serade de sério parlà tra amìss.
|
|
"Balòss" l'è ü nóm
bergamàsch che l'völ dì berechì. L'va bé per chèla bira
ché, che la te tira 'n turta col dóls del mèl e pò dòpo la te frega col spèss del dópe malt.
|
|
Bira biónda
clasica tipo Lager a bàsa fermentassiù,
grado alcolèch 5%. Culùr biónd dór. Otegnìda da malcc e
löertìss todesch, de fórt pröföm per i generùse zónte de
löertìss de Spalt (Germania) 'ntàt che 'l bói. Bira che la se
adàta a töt e a töcc.
|
|
La "Strada Priula" l'è
stàcia coströida a la fì del XVI secol da la Repüblica de Venéssia, che
a chi tép lé la riàa 'nfìna a Bèrghem. Ol sò nóm l'vé dal podestà Alvise Priuli,
sostenidùr de chèsto progèt tàtech per Venéssia: defate la
strada de la Àl Brembana la permetìa l'üniù de la Repüblica de
Venéssia col rèst d'Europa a traèrs de la Altölìna (a chi tép
lé sóta i Grisù). Chèsta strada la slissa vià ontéra, cóme la
nòsta biónda, e la ghe pórta da la Bergamàscha a l'Europa.
|
|
Bira weizen
de prodüssiù stagiunàl otegnìda da öna rissèta
austriaca. Grado alcolèch 5,5%. Ol malt de formét e l'órz gli è
todesch. Ol saùr delicàt li stà bé con di piàcc otertàt
delicàcc (primm piàcc, pèss, dólss). Ecelènte da bìv co i
antipàscc o co i taèr de salöm.
|
|
Per la delicàda procedüra de
prodüssiù e de conservassiù, chèla bira ché la é fàcia adóma
de invèren. Mia sèmper, insóma!
|
