|
|
Fumaĵita
nigra biero, spicigita per salvio. Tipo "Bamberg",
per malalta fermentado. Nigra koloro kun ruĝaj rubenaj
reflektoj, alkohola grado 5%, obtenita de germanaj maltoj. La komenca
gusto malabunde lupolita lasas antaŭpaŝon al postgusto
iomete fumaĵita tamen ekvilibra fare de salvio (biologie
produktita), kun tonigaj kaj digestaj ecoj. Bonege kunmeti ĝin
al fortaj gustoj (kiel kradrostaĵo el viando kaj maturigitaj
fromaĝoj); 'meditema' kiam trinkata malfrue vespere aŭ dum
malvarmaj vintraj tagoj.
|
|
"Via Mercatorum" estas
termino per kiu jam dum Mezepoko estis nomita aron de vojoj, kiuj
kunligis "Seriana" Valo kun "Brembana" Valo, du
admirindaj bergamaj valoj. Dokumento de 1392 post Kristo nomas la "via
merchadenti", vojo de komercistoj, longe utiligita por
komerco (ĝis sia malrapida dekadenco pro konstruado de "strada Priula"
fare de venecianoj en la XVI jarcento). Hodiaŭ, partoj de
ĉi-tiu antikva vojo estas ankoraŭ pied-ireblaj. Eksistas
rekupera projekto de la itinero por subtenebla turismo, kiu deziras
malkovri lokojn, kulturon, tradiciojn kaj gustojn de Bergamo kaj
provinco. Nia biero, kiel la nomo de tiu ĉi historia vojo,
elvokas saporojn, kiuj perdiĝas ene de tempaj meandroj.
|
|
Duoblamalta
ruĝa biero kun mielo de rododendro. Malalta fermenta biero, ruĝa
malhela koloro, obtenita per infuzado de anglaj maltoj kaj germanaj
lupoloj. Alkohola grado 7%. Biero kun forta karaktero kaj fruktita
gusto, plue korpohavigita per aldonaĵo de bergama rododendra mielo
(biologie produktita). Ĝi optime kunmetiĝas kun salaj kaj spicaj
gustoj. 'Meditema' aŭ kiel komplemento al vesperoj de seriozaj
disertacioj inter geamikoj.
|
|
"Balňss" estas
termino, kiu difinas ruzuletaĉon. La vorto deklinaciita al ina
genro, bone taŭgas al ĉi-tiu biero, kiu, dume flatas vin
per dolĉezo de mielo, samtempe modifas vian animon kaj korpon per
konsisto de duobla malto.
|
|
Klasika blonda
"lager" biero
je malalta fermenta, alkohola
grado 5%. Orkolora. Obtenita de germanaj maltoj kaj lupoloj, posedas
intens-aromon pro malavaraj aldonoj de germana lupolo "Spalt"
dum bolado. Biero kiu taŭgas al ĉio kaj al ĉiu
situacio.
|
|
La "Strada Priula"
estis konstruita en la fino de XVI jarcento fare de Venecia
Respubliko, kies regado tiutempe atingis ĝis Bergamo. Ĝia nomo
devenas de podestato Alvise Priuli, subtenanto de tiu ĉi
strategia projekto por Venecio: la strato de la "Brembana"
Valo efektive permesis kunligon inter Venecia Respubliko kun la
cetera parto de Eŭropo tra la 'Valtellina' (tiutempe regita de
Grizonoj). Tiu ĉi strato serpentumas delikate, kiel delikate nia blonda
biero nin kondukas el Bergama lando al la Eŭropo.
|
|
"Weizen"
sezona biero obtenita de aŭstria recepto. Alkohola grado
5,5%. La maltoj de tritiko kaj de hordeo estas germanaj. la delikata
gusto bone taŭgas al samtiomaj delikataj manĝaĵoj
(pastaĵoj, fiŝo, dolĉaĵoj). Bonege kunmeti
ĝin kun antaŭmanĝoj aŭ kun tranĉtabuloj de
salaĵoj.
|
|
Esperante, la bergam-dialekte "mia
sčmper" povas tradukiĝi "ne ĉiam".
Fakte, pro delikataj procedoj de produkado kaj ĉefe de
konservado, tiu-ĉi tritika biero estas produktita nur vintre.
Kiel diri... ne ĉiam!
|
|
